സ്വപ്നാടനം
എന്റെ സ്വപ്നാടനം
കരഘോഷങ്ങളുമായ്,
ഓളവും കാറ്റിന്റെ താളവും
ഒഴുകിനീങ്ങുന്ന കരിയിലകളിലഭ്യാസമാടുന്ന
കുഞ്ഞനുറുമ്പുകളും മാത്രമായ്‌...
പരമ്പരകള്‍ കൈമാറി കൈമാറി-ഒടുവില്‍
ഇന്നെന്റെ കൈകളിലൊരു നീരാളിപ്പിടുത്തമായ്‌ ,
ഒഴുക്കിനൊപ്പം
ഒഴുക്കിലോഴുകാത്ത പലതിലും തട്ടിപ്പിടഞ്ഞ്
വീണ്ടും ഒഴുകുന്ന സ്വപ്നാടനം
എന്റെ സ്വപ്നാടനം
ഞാനെന്നതിനെ നാലിഴകളായ് പിരിക്കിലും
തിരികെ - ഞാനെന്ന ഭാവമേ
എന്റെ നാശമാകൂ - എന്നെന്നെയിടക്കിടെ
ഞാനെന്ന ഭാവത്തില്‍
ഊററംകൊള്ളിച്ച്
സ്വപ്നാടനം
എന്റെ സ്വപ്നാടനം
നെഞ്ചിലെ നെടുവീര്‍പ്പുകള്‍
ചുണ്ടിലെ പുഞ്ചിരിയാല്‍ - മെല്ലെ
മാടിയൊതുക്കി
കണ്ണടച്ചിരുട്ടാക്കി
കരളിലെ ഒരുപിടി നോവുകള്‍ക്ക്‌
കണ്കള്‍ക്കിടയിലൊരു ചിതയൊരുക്കി
സ്വപ്നാടനം
എന്റെ സ്വപ്നാടനം
കൊച്ചു കൌതുകങ്ങള്‍ -വെറുമൊരു കൌതുകമായ്‌
അഴിഞ്ഞാടിവളര്‍ന്ന
ഭാരഭാണ്ടങ്ങളെ - ഇനിയും
വളരാതിരിക്കാന്‍- അതോ
ചിതലരിക്കാതിരിക്കാനൊ
മാറാപ്പായ് തോളിലണിഞ്ഞ്
സ്വപ്നാടനം
എന്റെ സ്വപ്നാടനം
നോവിന്‍ രക്തബാഷ്പം കിനിഞ്ഞ്
കണ്കലങ്ങി ,കാഴ്ചമങ്ങി
പകപ്പോടെയെന്കിലും - വീണ്ടും
കാതിലണയുന്നൊരട്ടഹാസങ്ങളാല്‍
ദീനരോദനങ്ങളാല്‍
നോവില്ലെനിക്കെന്ന് - ഇനി
നോവാന്‍ ഞാനിവിടെയില്ലെന്ന്
ജീവച്ഛവമായ് എന്നെ വിട്ട്
സ്വപ്നാടനം
എന്റെ സ്വപ്നാടനം.
2009, ഓഗസ്റ്റ് 4, ചൊവ്വാഴ്ച
2009, ജൂലൈ 22, ബുധനാഴ്‌ച
എന്നെയും കൂട്ടാമോ?
ആകാശത്തേക്കാള്‍ വിശാലമായ എന്റെ പകല്ക്കിനാവുകളുടെ നീണ്ട നിരയിലേക്ക്........
എന്റെ സമ്മതമേതുമില്ലാതെ കടന്നു വന്ന ചില കുറുമ്പു-കുന്നായ്മകള്‍ക്കിടയില്‍ -ഈയടുത്ത്‌
ഈയൊരു ചോദ്യവുമുണ്ടായിരുന്നു... തനിക്കും ഒരു ബ്ലോഗ് തുടങ്ങിക്കൂടെന്ന്‍ ?!!!!!!!
ആലോചിക്കാനും തയ്യാറെപ്പിനും......... സമയമില്ലായിരുന്നു...............
പണ്ട് ഓണക്കാലത്ത്‌ പയറു്പെറുക്കല്‍് മത്സരത്തില്‍ പങ്കെടുത്ത അതേ ഉത്സാഹത്തോടെ
എന്നാല്‍ അതിലേറെ ലാഘവത്തോടെ.............
മലവെള്ളപ്പാച്ചിലില്‍ കുതിച്ചൊഴുകൊന്ന ഈ പുഴയിലെക്ക് ......
രണ്ടും കല്പിച്ച്.......
മുങ്ങിച്ചാവാന്‍ ഇട വരുത്തല്ലേ പ്ലീസ്‌ ............
ആകെയുള്ള ധൈര്യം നിങ്ങളൊക്കെയാണ്.....
എന്റെ സമ്മതമേതുമില്ലാതെ കടന്നു വന്ന ചില കുറുമ്പു-കുന്നായ്മകള്‍ക്കിടയില്‍ -ഈയടുത്ത്‌
ഈയൊരു ചോദ്യവുമുണ്ടായിരുന്നു... തനിക്കും ഒരു ബ്ലോഗ് തുടങ്ങിക്കൂടെന്ന്‍ ?!!!!!!!
ആലോചിക്കാനും തയ്യാറെപ്പിനും......... സമയമില്ലായിരുന്നു...............
പണ്ട് ഓണക്കാലത്ത്‌ പയറു്പെറുക്കല്‍് മത്സരത്തില്‍ പങ്കെടുത്ത അതേ ഉത്സാഹത്തോടെ
എന്നാല്‍ അതിലേറെ ലാഘവത്തോടെ.............
മലവെള്ളപ്പാച്ചിലില്‍ കുതിച്ചൊഴുകൊന്ന ഈ പുഴയിലെക്ക് ......
രണ്ടും കല്പിച്ച്.......
മുങ്ങിച്ചാവാന്‍ ഇട വരുത്തല്ലേ പ്ലീസ്‌ ............
ആകെയുള്ള ധൈര്യം നിങ്ങളൊക്കെയാണ്.....
ഇതിനായി സബ്‌സ്ക്രൈബ് ചെയ്ത:
പോസ്റ്റുകള്‍ (Atom)